Yvotykuemi letra

Ko'ág̃a guivéko che ya roheróma yvotykuemíme
Chendive ipirúgui ne ru'ã kyrỹi ha upe nde rogue
Ha añongatúne amano mevéma mandu'a ñemíme
Po'águi rei nde potykuru aipo'ova'ekue

Pévako opytáma oje'ove'ỹvo che apytu'ûkuápe
Ha che ã ruguápe péina vevuimi hyakuã ojaitypo
Jepe cheroyrõ ndojemo'ãiri ni ñe'ê meg̃uame
Upe torypápe reme'êva'ekue ne ã korasõ

Remondoropa pe nde kuatia, iku'itûmíma
Nde po rupiete pero che ni vy ndahecharamói
Si he'i voíngo ku ijykepegua oguereko ñemíva
Mba'e potapýko jarekokuaárõ jareko mokõi

Ani rembyasýtei ko'ã rejapóva che nambyasyiháicha
Mitã kambumíko opo'o voínte hekovia rire
Tapevy'aite jepémo ko che avy'aiteháicha
Ha ku oje'eháicha, upéicha jaiko ñamano meve

Emaña hatãke ko'águi rire repyrûhag̃uáre
Ani ndekutu joayhu ratîngue ha upéi rembyasy
Ani ndepochy chepy'aporãgui romomandu'áre
Ndehague mo'ã ko che rekovépe upe yvoty

Kóvako ajapo ndaha'éi voi ndorohayhuvéigui
Ndénte neñañágui reipota ra'e péicha rohero
Jaikuaa voíngo che ndaikatuiha che ãnga potîgui
Añomi añomívo ivai'eháva ko ne rembiapo

Dúo Aguilera - Brítez y Su Conjunto Paraguayo - Letras

• A Bernarda
• Adiósmante che kamba
• Akói roheka
• Bella ilusión
• Che kamba resa jajái
• Che pyhare mombyry
• Che resedá
• Chejopy ne pore'ỹ
• Concepción jerére
• Esclavo de Tu Kunu'û
• Guyra porãite
• Hi'ãva chéve
• Ipohýi Ne Pore'ỹ
• Iporãmante, Kamba
• Kuñami jukyete
• Liriomi Poty
• Machúpe g̃uarã
• Mamá, En Tu Día
• Mi sueño esperado
• Mi Triste Soledad
• Mitãkuña marangatu
• Morena juru clavel
• Morena resa yvoty
• Ña Palí
• Ñesûhápe, che symi
• Nostalgia de mi patria
• Oga'i che vy'ahague
• Okára Potykuemi
• Paraguayami
• Pitogue juru my'ỹi
• Por El Día de Tu Santo
• Purahéi che rembiayhu mombyrýpe
• Purahéi poty ryakuã
• Roikuaa guive voínte
• Rosita
• Serenata che kambápe
• Soledad
• Tapemi
• Teresa juky
• Triste purahéi
• Upe pyhare
• Valle Apu'a
• Vy'a'ỹgui
• Ymavéntemiva'ekue
• Yvotykuemi